හේන් ගොවිතැන් බස් වහර

අක්වැස්ස		-	දිගු නිය‍්‍ඟය නිමා කරමින් ලැබෙන මුල්ම වැස්ස
ඇල් මණ්ඩිය		-	හේනේ වී වගාකළ කොටස
ඉරිවැලි හේන		-	චතුරස්‍රාකාර බිම් කොටසක් කුඩා චතුරස්‍රාකාර බිම් කොටස් වලට බෙදූ හේන් සමූහය
කනත්ත		-	අත්හැර දැමූ හේන
කනුමදු		-	අළුතින් පුළුස්සා සකස් කළ හේනේ නොපිළිස්සී ඉතිරි වූ කොටස්
කරල් ගෙය		-	අව්වෙන් වැස්සෙන් ආරක්ෂාවීමට තැනූ කුඩා මඩුව
කුරුළු පාළුව		-	කුරුල්ලන් සඳහා වෙන් කළ හේනේ කොටස
කොරවෑ වීම		-	ගිනි තැබූ හේන කොටසක් නොපිලිස්සී ඉතිරිවීම
ගස් පැල		-	විශාල ගසක් උඩ සාදන මඩුව
ගිනි බෝකර ගැනීම		-	ගින්දර අවුළුවා ගැනීම
ගිනි ලෑම		-	ගිනි තැබීම
ද‍ඞු වැට		-	හේනේ ආරක්ෂාවට දැව කඳන් යොදා සෑදූ වැට
නවදැලි හේන		-	අළුතින් පුළුස්සා සකස් කළ හේන
පැඟිරි කිරීම		-	ද‍‍ඞු වැටට ඔබ්බෙන් ඇති ගස්වල අතු ඉති කපා දැමිම
පුරුවීම		-	කැපූ වල් අව්වට වියලී යාම
පො කිරීම		-	පහසුවෙන් දැවිය හැකි සේ කැපූ ගස් වල අතු ඉති කපා දැමීම
බඩතැල්ල කැපීම		-	ගසක කඳක පැත්තකින් තකාටසක් කපා දැමීම
බිම්මල් කැපීම		-	වල් කෙටීම ආරම්භ කිරීම
මැල් කූඩුව		-	ගිනිගැනීම පහසු කිරීමට එක්කරන පරඩැල් කොළරොඩු වැනි දේ
මුල් ගහනවා		-	වල් ගස් කපනවා
මුල්කැටා හේන		-	එක කේන්ද්‍රයක සිට පිටතට විහිදී යන රේඛා ඔස්සේ බෙදා ඇති සාමූබිකව එකතු වී කොටන හේන් සමූහයක්
මුලා ගැසීම		-	ඉතුරු වූ ඉපල් එකතු කර ගිනි තැබීම
ලබු කට්ට		-	වතුර ගෙන යාමට ලබු ගෙඩියෙන් සාදා ගන්නා භාජනයකි
වල් ඇල්ලීම		-	භෝග සඳහා තෝරාගත් බිම් කොටස එළි පෙහෙලි කිරීම
වල් කැත්ත		-	වල් කෙටීමට භාවිතා කරන කැත්ත
වාම් පතුල්		-	මී හරකාගේ සමින් සෑදූ පාවහන්
සකලයන්ට ඕ ගානවා		-	කුරුල්ලන් එළවනවා
හුළං පෑදීම		-	සුළං හැමීම
හුළු		-	හේනට සතුන් පැමිනීම වැලැක්වීමට හේන වටා ඇති කොළරොඩු වලට ගිනි තැබීම
හේන් උලාකෑම		-	හේනේ විශාල ගස් කපා දැමීම